Nur al-Din Mahmud
Alepoko agintaria (1146-1174). Imad al-Din Zangi-ren semea eta ondorengoa. Edesako konderriaren konkista bukatu zuen (1146-1150), eta Damasko bereganatu zuen (1154). Gotorleku asko hartu zituen gurutzatuengandik, eta Sirkuh-k bultzatu zuen Egipto hartzera. Iloba Salah al-Din-ek fatimien kalifaldia bukatu zuen eta, ondorioz, xiiten banaketa (1171). Gudari izateaz gainera, antzeak eta zientziak babestu zituen, eta erietxeak, eskolak eta liburutegiak sortu zituen.
