Muniategi Elorza, Abel
(«Bengetxe»). Bizkaitar bertsolari eta idazlea (Ereño, 1942). Legegizona da bizibidez. Euskaltzain urgazlea da 1981. urteaz geroztik. Bizkaiko bertsolarien txapelketak irabazi zituen 1964an eta 1966an, eta Euskadikoa 1982an. Olerti, Karmel, Goiz Argi, Aranzazu, Anaitasuna, Jakin eta Zeruko Argia agerkarietan eman ditu argitara lan aipagarrienak. Bermeoko udaletxeko idazkaria da gaur egun.
