minor
izond. Mus. Nota bitarteak bereizteko erabiltzen den hitza. Adibidez, segundako bitarte minorra. v Eskala minorra. Noten mailakako antolaketa, Greziako Eoliako modu klasikoari jarraitzen diona. Bi motako eskala minor daude: melodikoa eta harmonikoa. Melodikoan, tonu erdiak 2-3 eta 7-8 noten artean daude, eskala goranzkoa denean; eta 6-5 eta 3-2 noten artean, beheranzkoa denean. Eskala minor harmonikoan, berriz, tonu erdiak 2-3, 5-6 eta 7-8 noten artean daude, 6-7 noten artean tonu t’erdiko bitartea dagoela. v Modu minorra. ik. modu.
