lukanido
izond. Zool. Koleopteroen ordenako izen bereko familiako intsektuez esaten da. Burua, toraxa eta abdomena ondo bereiziak dituzte. Oskol gogor batez estaliak dituzte toraxa eta burua, eta masailak berriz adar-sarde bihurtuak eta aurrera luzatuak. Zango luzeak, bi kakoko atzapar-txikiz hornituak dituzte. Geldi daudenean gorputzaren gainera biltzen dituzten hego gogorren azpian mintz gardeneko beste bi hego zabal edukitzen dituzte. Kakalardoa da lukanidoetan ezagunena.
