lezitina
iz. Kim. Gai organiko konplexua, landareen eta animalien zeluletan azido koipetsuetatik, glizerinatik, azido fosforikotik eta kolinatik sortzen dena. Garrantzi handiko zeregina du landareen eta animalien zelulen metabolismoan. Lezitina landare koipeetatik eta arrautza gorringotik lortzen da, eta baita sintesi bidez ere. Janarigintzan erabiltzen da batez ere, emultsiogile eta elikagai gehigarri gisa, eta baita kosmetikoak, elikagai dietetikoak eta xaboi bereziak egiteko ere.
