kooperatibismo
iz. Ekon. Agente ekonomiko eta sozialen arteko lankidetza eta ekoizpen-bideen langileen jabetza sustatzen duen doktrina. Ekoizle edota kontsumitzaile arteko lankidetza horren helburua kooperatiba enpresak sortzea da. Doktrina honen arabera enpresaren helburua ez litzateke mozkinak edo irabaziak gehitzea, gizartearen beharrei erantzutea baizik. Kooperatibismoaren erroak oso aitzinean aurki daitezkeen arren (esaterako, Platonen pentsamendu klasikoan), kontzeptu honen garapen modernoa sozialismo utopiko edo humanisten lanekin batera bilakatzen hasi zela esan daiteke (Saint-Simon, Fourier eta, bereziki, Owenen lanarekin).
