Houston
Estatu Batuetako hiria (Texas), Mexiko golkotik 80 km-ra eta kanal baten bidez itsasoari lotua (Houston Ship Channel). Texasko lehen hiria da eta AEBetako bosgarrena. 1.555.000 biztanle (hiriak eta aldiriak: 2.891.000 biztanle). AEBetako laugarren portua. Texasko petrolio-hobi handienen ondoan dago, eta petrolioaren industriak (findegiak, petrokimika) indar handia du: AEBetako petrolio ekoizpenaren % 40. Finantzagunea. Itsas industriak, metalurgia eta elektronika. Abeltzaintza: behi azienda. Esportazioak: petrolioa, sufrea, zura, kotoia, arroza. NASAko zentroa. Nazioarteko aireportua. Unibertsitateak. Texasko historiari buruzko museoa.
