Hamilton
Kanadako hiria, Ontario aintziraren mendebaleko muturrean. 309.000 biztanle. Garrantzi handiko portua du, AEBetako ikatz eta burdina biltzen baitira bertan. Kanadako metalurgiagune nagusia da, altzairuaren % 50 bertan ekoizten baita. Beste alorretako produktuak: mekanika eta elektrizitate gaiak, papera, oihalak, kimika eta elikadura industriak. MacMaster unibertsitatea (ikerketa nuklearrak).
