Grimaldi
Genoako familia, XII. mendeaz gero ezaguna. Genoako guelfoen buruzagi izan ziren, eta doriatarren kontra egin zuten gerra. 1297an, Raniero Grimaldi Monakon jarri zen bizitzen, Genoatik egotzi zutenean. v Antonio. Almirante genoarra. Kataluniarrak eta aragoitarrak garaitu zituen (1332), baina 1353an veneziarrek garaitu zuten bera, eta ondorioz Giovanni Visconti Milango jaunaren babesa onartu behar izan zuen Genoak. v Domeniko (1510 inguruan-1592). Lepanton borrokatu ondoren (1571) komentuan sartu zen, eta Cavaillon-go apezpiku (1584) eta Avignon-go artzapezpiku izan zen (1585).
