Euskararen tresnak

Lur hiztegi entziklopedikoa

Kultura eta Hizkuntza Politika Saila

Gamiz, Juan Bautista

Arabar olerkaria (Sabando, 1696 - Bolonia, 1773). Jesuita legoa. Euskaraz eta gaztelaniaz idatzi zuen (sei lan euskaraz). Iruñean egon zen, 1767an jesuitak Espainiatik atzerrira bidali zituzten arte. Araban garai hartan hitz egiten zen euskararen lekuko ia bakartzat jo daiteke Gamizen lana. Haren euskarazko olerkien izenburuak: Euscaraz gaiztoetan, Oñecochoa; Dabilcenchoac; Veste bat arendaco; Veste bat ere bai aren daco; Veste tunucho berribat. Jon Goikoetxea Maizak bildu zituen haren olerki guztiak (Juan Bautista Gámiz Ruiz de Oteo. Poeta bilingüe alavés del siglo XVIII, Gasteiz 1984).