Gallop, Rodney A
Ingalaterrako diplomatikoa, euskal folklorearen ikertzailea (Folkestone, 1901 - 1948). Haurretan ezagutu zuen Euskal Herria (Donibane Lohizune) eta gaztetan hasi zen bertako kulturari, folkloreari eta hizkuntzari buruzko ikerlanetan. 1928an Vingt-cinq chansons populaires d’Euskal Herria (Euskal Herriko hogeita bost herri kanta) kanta bilduma aurkeztu zuen eta 1930. urtean A Book of the Basques (Euskaldunen liburua) obra argitaratu zuen Londresen. Euskal gaiei buruzko artikulu eta obra ugari idatzi zuen Bigarren Mundu Gerra hasi bitartean eta 1947. urtean Pays Basques de France et d’Espagne izeneko argazki bilduma prestatu zuen Philippe Veyrin-ekin batera (1951, Lyon).
