Fraguas de Pablo, Antonio
(“Forges” deitua). Umorezko idazle eta marrazkilari espainiarra (Madril, 1942). Telekomunikazio ikasketak bertan behera utzita, 1964an umorezko marrazkiak argitaratzen hasi zen, Pueblo egunkarian lehenbizi. Gero, beste egunkari eta aldizkari askotan argitaratu zituen: Arriba, La Codorniz, Tele-Guía, Sábado Gráfico, Tiempo Nuevo, Ya, eta Informaciones. 1982-1989 bitartean, Diario-16 eta Cambio-16 hedabideentzat hasi zen lanean, eta 1989-1995 bitartean, El Mundorentzat, Pedro J. Ramírezen zuzendaritzapean betiere. 1989tik aurrera, El País egunkariko iritzi orrian argitaratu ditu bere marrazki eta izkirimiri zorrotzak. Forges egungo Galiziako historialari handienetako bat da, eta Galiziako gobernuak, Xuntak, Galiziako Letren eta Arteen Saria eman zion 1995ean, lurralde horretako balio kulturalen alde egin duen lan eskergarengatik.
