Fowler, William
Estatubatuar fisikaria (Pittsburg, Pennsylvania, 1911 - Los Angeles, 1995). 1936an, doktoregoa lortu zuen Kaliforniako Teknologia Institutuan. Gero eskolak eman zituen bertan, eta izarren arteko gertakariei buruzko ikerkuntza lanen zuzendari izendatu zuten. Haren lanik garrantzitsuenak –Fred Hoyle eta Geoffrey eta Margaret Burbidge britainiar astronomoekin batera egina eta 1957an argitaratua–, izarren barruko elementu kimikoen sintesi nuklearren prozesuak azaltzen ditu, zeinak baitira funtsezkoak unibertsoa eratu zuten prozesu kimikoak ezagutzeko, eta egungo astrofisikaren giltzarri nagusi bihurtu da. 1983an, Fisikako Nobel saria jaso zuen, Subrahmanyan Chandrasekhar astrofisikariarekin batera.
