Charente
Frantziako mendebaleko departamendua [16], Akitaniako arroan (Poitu-Charentes lurraldea). 5.956 km2 eta 340.770 biztanle. Prefetura hiria: Angulema. Suprefeturak: Cognac, Confolens. Hiru lurralde nabarmentzen dira departamenduan: Confolentais-ko Terres Froides ipar-ekialdean; Angoumois lurraldea erdialdean, Terres Chaudes, Pays-Bas eta Champagne eskualdeek osatua, eta Bois izeneko basoaldea hegoaldean. v Nekazaritza eta abeltzaintza dira ekonomia jarduera nagusiak (behi azienda Angoumois lurraldean). Industria Angulema eta Cognac inguruetara bildu da. Cognac aldean lantzen dira izen bereko edari ospetsua egiteko mahasti gehienak.
