Chacoko gerra
Ipar Chacoren jabetza eskuratzeko asmoz, 1932-1935 urteetan Bolivia eta Paraguai estatuen artean gertatu zen gerra latza (100.000 pertsonatik gora hilik). 1935. urtean gerra uztea erabaki zen (Buenos Airesko bilkura) eta 1938an bake hitzarmena izenpetu zuten bi estatuek. Itun honen arabera, Paraguaiko estatuak Chacoko lurralde zabalena eskuratu zuen, eta Boliviak irteera bat lortu zuen Paraguai Ibaira, Atlantikoaren bidean.
