Cuenca
Espainia erdialdeko probintzia (Gaztela-Mantxa). 17.061 km2 eta 210.280 biztanle (1981). Mugak: iparraldean Guadalajara eta Teruel, ekialdean Teruel eta Valentzia, hegoaldean Albacete eta Ciudad Real eta mendebalean Guadalajara, Madril eta Toledo. Hiriburua: Cuenca. Hiri nagusiak: Tarancon, San Clemente, Las Pedroñeras, Quintanar del Rey eta Mota del Cuervo. Iparraldea menditsua da (San Felipe, 1839 m). Goi-ordokiak daude erdialdean eta hegoaldean. Tajo, Guadiela, Zancara, Cigüela, Jucar, Turia eta Cabriel ibaiak igarotzen dira Cuenca probintziatik. Klima kontinentala da. Nekazaritza, abeltzaintza eta baso ustiapena dira ekonomia jarduera nagusiak. Industria gutxi garatua da.
