Euskararen tresnak

Lur hiztegi entziklopedikoa

Kultura eta Hizkuntza Politika Saila

Bruckberger, Raymond

Frantses domingotarra (Murat, 1907 - 1998). Hogei urte zituela Frantziako herritartasuna hartu zuen eta 1929an domingotarren ordenan sartu zen. Okupazioaren garaian, deitoratu zuen katoliko guztiak nazismoari aurre ez egina. Baina gero heriotza zigorraren onegintza sakratua defendatu zuen; azken aurreko liburua Oui à la peine de mort (1986, Bai heriotza zigorrari) izan zuen. Le cheval de Troie aldizkariko sortzaileetako bat izan zen (1947-1948), Frantziako Elizaren jesuitismoaren kontra egiteko. Atzerriko Legioko kapilau izan zen; ondoren Afrika iparraldera joan zen, gero zortzi urte egin zituen Estatu Batuetan eta lau Grezian. Azkenik, Suitzako herrixka batera erretiratu zen. 1960an Le Dialogue des carmélites (Karmeldarren elkarrizketa) filma egin zuen eta 1967an Tu moissonneras la tempête (Ekaitza jasoko duzu) Frantziako askatasunari buruzkoa. Bestalde, artikuluak idatzi zituen Life, New York Times, L´Aurore, Figaro-Magazine aldizkarietan. Lettre ouverte à Jésus-Christ (1973, Eskutitz irekia Jesu Kristori), Lettre à Jean-Paul II, pape de l’an 2000 (1979, Eskutitza Joan Paulo II.ari) eta memoria liburu bat, À l’heure où les ombres s’allongent (1989, Itzalak luzatzen direnean) idatzi zituen, besteak beste. Burckberger aitak ohituren dekadentzia salatu zuen, eta bere burua katoliko ez praktikatzailetzat zuen. 1981ean Ce que je crois (Nik sinesten dudana) idatzi zuen.