Euskararen tresnak

Lur hiztegi entziklopedikoa

Kultura eta Hizkuntza Politika Saila

Bollo, Luis Angel

Gipuzkoar sukaldaria (Donostia, 1971). Sukaldaritza Goi Eskolan egin zituen lehenengo sukaldaritza ikasketak. Ondoren, Luis Irizar, Koldo Royo, Martin Berasategi eta Hilario Arbelaitzekin aritu zen. 1993an Mexikora joan eta bertako hiriburuan lanean aritu zen bi urtez, euskal sukaldaritza tradizionala lantzen zuen Puerto Chico jatetxean. Geroago, beste hainbat lankiderekin batera, Meigas izeneko jatetxea ireki zuen Manhattanen. Oso denbora gutxian izugarrizko arrakasta izan zuen, eta New York Press agerkariak 2000. urteko New Yorkeko sukaldaririk onena izendatu zuen.