babirusa
iz. Zool. Suidoen familiako ugaztun artiodaktiloa, basa zerriaren mota batekoa (Babyrussa babyrussa). 80 cm altu izaten da, eta 1 m inguru luze. Oso ile urria izaten du. Letaginak, behekoak eta goikoak, gora begira izaten ditu. Emeak letagin txikiak izaten ditu; arrari, berriz, etengabe hazten zaizkio, goraka eta atzeraka bihurrituta, zenbaitetan kopetako azala zulatzeraino. Landareak eta ugaztun txikiak janez elikatzen da. Egunez lotan egoten da, eta gauez irteten du jatera. Zelebe, Boru eta Anboina uharteetako oihanetan bizi da talde txikietan.
