Euskararen tresnak

Lur hiztegi entziklopedikoa

Kultura eta Hizkuntza Politika Saila

Babinski, Joseph

Jatorriz Poloniakoa zen mediku frantsesa (Paris, 1857 - Paris, 1932). Parisko Salpêtrièren irakasle zela, neurologia ikerketak egin zituen, diagnostikoari dagokionez bereziki. Nerbioen patologiari buruzko lanetan bizkarrezur-muinaren, garunaren eta zerebeloaren eritasunei dagozkien zeinu eta sindrome anitz deskribatu zituen.  v  Babinski-Nageotte-ren sindromea. Med. Zerebeloaren atzealdeko arteria ixtean sortzen den eritasuna; entzefaloaren behealdean kalteak eragiten ditu. Kaltetutako aldean ikusmena galtzen da eta gorabeherak izaten dira zerebeloan; kontrako aldean berriz hemiplejia izaten da eta minak ez du erantzunik eragiten.