Aukera horren bidez, erabili gabeko ikus-eremuak ezaba daitezke atari bakoitzean. Ikus-eremuen moten araberako bilaketa egin daiteke, eta banaka edo, guztiak edo batzuk hautatuta ezabatu.

Ikus-eremu bakoitza aurreikus daiteke eta haren ABI (aplikazioaren barne-identifikatzailea) erakusten da. Erreferentziarik gabe geratu den eta atariko orriren batean berriro aipatu nahi den ikus-eremu baten ABI ezagutzea dakar horrek.

Atari bat argitaratu aurretik, komenigarria litzateke ezabatzea erreferentziarik gabeko ikus-eremu guztiak, ez baitira berriro erabiliko (zaborrik ez pilatzeko).

Gaien administrazioa oraindik ez dago inplementatuta.

Aukera horren bidez, atariko parametro orokorrak alda daitezke. Xehetasun gehiagoz azaltzen da "Sortu atari berria” atalean.

Webgune bat, hura eguneratzeko maiztasuna eta atarian duten garrantzia edo lehentasuna osatzen dituzten orrialdeen zerrenda duen fitxategia da Sitemap bat. Sitemap fitxategiek orrialdeak aurkitzea eta arakatzea errazten diete bilatzaileen robotei.

Atarien kudeatzailearen aukera horren bidez, tokiaren ikus-eremu batetik webgunearen edo atariaren mapa bat modu automatizatuan sor daiteke; normalean, nabigatzeko menu nagusi bat izaten da, atariko esteka garrantzitsuenen zerrenda izaten baitu. Hizkuntza bertsio bakoitzerako, xml formatuko fitxategi bat sortzen da.

Hauek dira jarraitu beharreko urratsak:

Sekzio bat sortzea

Sitemap bat sortzeko, lehenengo sekzio bat sortu behar dugu "sekzio berria" sakatuta, eta izen bat sartu:

Ikus-eremu bat lotzea sekzioarekin

Sortu dugun sekzioaren barruan, “IE berria" sakatuko dugu eta atariko orri bat hautatuko dugu ikus-eremu bat aurkitzeko. Ikus-eremu horrek behar diren datuak emango ditu sitemap-a sortzeko. Hortaz, aukeratuko dugun ikus-eremua esteken zerrenda bat izatea da ohikoa, adibidez, nabigazio-menu bat.

Nahi adina ikus-eremu hauta ditzakegu. Hori erabilgarria izan daiteke esteka jarraituen ikus-eremu bat baino gehiago baditugu, adibidez orri-oinean.

Eguneratzeko lehentasuna eta maiztasuna ezar dezakegu batera ikus-eremuko esteketan.

Sortutako sitemap-a aurreikustea

Sekzioa edo sekzioak sortu eta horietan ikus-eremuei esteka jarri ondoren, XML formatuko sitemap fitxategi bat sortzen da sekzio bakoitzeko. Emaitza honela aurreikus daiteke:

Sortutako XML-a ezin da eskuz editatu, aurreikusi baino ez. Lotutako ikus-eremuen estekak aldatzen diren bakoitzean, automatikoki eguneratuko da sitemapa.

• Sekzio honetan, ezizenak ikus ditzakegu. Atarikoak, orrikoak edo edukikoak izan daitezke. Hala ere, atariko ezizenak sekzio honetatik baino ezin dira sortu, aukera hauek betez:

  • Domeinua: ezizena atariko domeinu guztietan gaitu daiteke edo horietako batzuetarako bakarrik. Atariko domeinuak ataria konfiguratzeko aukeretan konfiguratzen da (Adibidez: www-rekin eta www gabe).
  • Hizkuntza: hizkuntza guztiak edo hizkuntza-bertsioren bat zehatz dezakegu.
  • Web ezizena: ezizena da eta, izen laburra eta tarterik gabea beharko du izan. Ezizen baten adibidea: lan-poltsak (ezizen honetarako https://www.euskadi.eus/lanpoltsak)
  • URL-a edo estekaren helbidea: sortzen ari garen ezizenak eramango gaituen helbidea da. Adibidea: euskadi.eus-eko eduki baten URL osoa https://www.euskadi.eus/bolsas-de-trabajo-de-la-administracion-general/web01-sedeep/eu/

Atariko ezizenak aldatzen eta mantentzen dira "Atariko ezizena” sekziotik. Hauek dira baimendutako modalitateak:

• Sortzea
• Editatzea
• Ezabatzea
• Argitaratzea

Orrialde-ezizenak orrialde bakoitzaren konfiguraziotik sortzen dira, atariko sekzio horretatik kontsulta badaitezke ere (ez editatu).

Izenak berak adierazten duenez, ekintza horrek atari osoa aldi bakarrean berehala edo modu programatuan argitaratzeko edo kentzeko aukera ematen du. Orrialde bakoitzak badu aukera bertan egindako aldaketak bakarrik argitaratzeko; beraz, aukera hori erabili beharko litzateke atari osoari edo orrialde askori eragiten dieten aldaketetarako.