DESKRIBAPENA

Baimen hori Langileen Estatutuan sartu zen 5/2023 Errege Lege Dekretuan argitaratu ondoren. Ezartzen du langileek 8 asteko ordaindu gabeko baimena hartzeko eskubidea dutela seme-alabak edo harreran hartutako adingabeak zaintzeko (urtebetetik gora). Langileek baimen hori har dezakete adingabeak zortzi urte bete arte.

FUNTZIONAMENDUA

Baimena emakume eta gizon langileen eskubide indibiduala da eta ezingo da transferitu.
Baimen hori adingabeak 8 urte bete arte erabil daiteke, eta gehienez ere zortzi asteko iraupena izango du. Kontuan izan behar da 8 aste direla guztira, adingabeak 8 urte egin arte, eta ez direla 8 aste urteko.

Zortzi asteak modu hauetan hartu ahal izango dira:

• Aste jarraituak edo etenak.
• Lanaldi osoa edo lanaldi partzialeko erregimena, erregelamenduz ezarritakoaren arabera. Nahiz eta lanaldi partzialeko guraso-baimenaren indarraldiaren hasiera erregelamendu bidez garatu gabe egon, hori dela eta, oraindik ezin da eskatu.

GSAZNren 2024ko urtarrilaren 22ko 02/2024 Buletinak   ezarri zuen lanaldi osoko guraso-baimena hartu bitartean enpresak altari eta kotizazioari eutsi beharko diela langilearekiko.

Langileari dagokio gozamenaren hasiera- eta amaiera-data zehaztea, eta hamar egun lehenago edo hitzarmen kolektiboetan zehaztutakoa jakinarazi beharko dio enpresari.

Bi langilek edo gehiagok subjektu eragile berarengatik (adingabe bera) eskubide hori sortzen badute, edo eskatutako aldian enpresaren funtzionamendua larriki aldatzen badute, enpresak arrazoizko aldi batez atzeratu ahal izango du baimena ematea, idatziz justifikatuz eta baliatzeko aukera malgua eskaini ondoren.

ONURADUNAK

8 urtetik beherako seme-alabak zaindu nahi dituzten langileak.

ENPRESAN AURKEZTEKO ESKABIDE-EREDUA

Sakatu hemen eskaera-eredu bat deskargatzeko.