Kontziliazio Plana enpresak garatutako dokumentu formala da, langilego osoaren eskura dagoena, non helburuak finkatzen diren eta enpresan bizitza pertsonala, familiakoa eta lanekoa bateratzeko dauden neurriak zerrendatu, deskribatu eta programatzen diren.

Neurriak zerrendatzeaz gain, Planak horien komunikaziorako mekanismoak ere lantzen ditu, baita ebaluaziorako eta jarraipenerako prozedurak langileen erabileraren eta emaitzen arabera. Kontziliazio-beharretara egokitzeko egin beharreko egokitzapenak egiteko helburuarekin. 

Laburbilduz, Kontziliazio-Plana lanabes sinple eta gardena da, baliabideak optimizatzen eta laneko giroa eta enpresaren eraginkortasuna hobetzen laguntzen duena.

Edozein enpresak garatu dezake Kontziliazio Plan bat, langilegoaren tamaina, forma juridikoa, ekintza-arloa eta izaera (publiko edo pribatua) edozein izanda ere.

Kontziliazio neurrien arrakasta alda daiteke lanpostuaren ezaugarrien arabera, baina ez da salbuespena izango enpresarekiko lan-egoerarekin lotutako inolako baldintza  (adibidez, behin-behinekotasuna edo antzinatasuna).

Jarraian, zure erakundean erabil ditzakezun bi tresna aurkezten dira. 

• Alde batetik, AUTODIAGNOSIA egiteko tresna, zure enpresak kontziliazioaren arloan duen egoera ezagutzen lagunduko dizuna.
• Beste alde batetik, NIRE PLANA tresna; horren bidez, zure enpresaren Kontziliazio Plana diseina dezakezu, zure plantillaren eta jarduera-sektorearen beharretara egokituta.