ziperazeo
izond. Bot. Ziperalen ordenako izen bereko familiako belar landare hazidunez esaten da. Sustrai herrestariak dituzte, lurpean luzatzen direnak. Zurtoin bat baino gehiago izan dezake landare bakoitzak; hiru ertzekoak eta adarrik gabeak izaten dira horiek, gehienak. Askok ez dute hostorik; hostoak dituztenek sustraiaren buruan izaten dituzte. Lore txikiak dituzte, buruxka modura eratuak. Iparraldeko eta hegoaldeko lurraldeetan izan ezik, mundu guztian hazten dira. Lezka da familia honetako landarerik ezagunena.
