Tulum
XII.-XVI. mendeetako hiri maia, Yucatan penintsulako ekialdean. Labar garaien gainean eraikia, Cozumel uhartetik hurbil, itsasora begira ez dauden aldeetatik harrizko harresiak babestua dago (Erdialdeko Amerikan bakarra). Hango eraikuntzetan nabarmenena El Castillo deituriko multzo handia da, terrazez, eskailerez eta tenpluez hornitua dena. Orobat, maien pinturak gorde diren toki bakarrenetakoa da.
