tulio
iz. Kim. Lantanidoen taldeko metala (Tm; at.-z. 69; at.-m. 168,93). Ez du isotopo egonkorrik. Metalen distira du, urarekin geldiro erreakzionatzen du, aise urtzen da azido diluituetan, kolore berdeko gatzak eratzen ditu eta 1.550 °C-an urtzen da. Xenotina, euxenita eta gisako mineraletan itrioarekin elkarturik aurkitzen da. Itrio fluoruroa kaltzioz erreduzituz lortzen da. Airean egonkorra da, oxigenoarekin, nitrogenoarekin eta hidrogenoarekin konposatuak eratzen ditu tenperatura beroetan, eta halogenoekin erreakziona dezake ingurugiroko tenperaturan. Hauts denean sukoia da. Erabilpen gutxi ditu, eta X izpien iturri gisa erabil daiteke.
