termosfera
iz. Lurrazaletik 80-500 km artean hedatzen den eguratseko geruza. Bertan, eta gora joan ahala, tenperatura gero eta garaiagoa da; 1.500 °C-raino irits daiteke. Termosferan eguratsaren presioa oso txikia da, eta eguzkitik iristen diren izpi ultramoreek eragin handia dute, gas molekulak zatitzen baitituzte. Termosferaren behe muga mesopausa da, eta goi muga termopausa.
