Tarn eta Garona
Frantziako hegoaldeko departamendua [82] (Midi-Pyrénées). 3.730 km2 eta 200.000 biztanle. Hiriburua: Montauban. Hiri nagusiak: Castelsarrasin, Lafrançaise, Grisolles. Erdialdea jalkin lurralde emankorra da; alde horretan elkartzen dira Aveyron, Garona eta Tarn ibaiak. Iparraldean goi-ordokiak daude. Erdialdea nekazaritza gune garrantzitsua da (garia, artoa, mahastiak, fruituak), eta iparraldean abere hazkuntza (ardi azienda) da ekonomia jarduera nagusia.
