Samaria
edo Sebaste edo Sabastiyah. Palestinako erdialdeko antzinako hiria, muino baten gainean dagoena, Garizim eta Ebal mendien arteko igarobidean. K.a. 880. urtean sortu zen hiria, Omri-k Israelgo iparraldeko hiriburu bihurtu zuenean. Hiriburua izan zen asiriarrek K.a. 722. urtean suntsitu zuten arte. K.a. 37-4 urteetan Herodes Handiak hiria berriro eraiki zuen, eta gotorleku eta tenplu ikusgarriez hornitu zuen.
