Saint-Étienne
Frantziako erdi-ekialdeko prefetura hiria, Loire-ko departamenduan (Rhône-Alpes), Parisko hiriaren hego-ekialdean. 221.775 biztanle. Burdinbide eta errepidegune garrantzitsua. Industria (armagintza, automobilgintzarako gaiak, bizikletak, metalurgia astuna, burdinbide gaiak, ehungintza, kimika industria, tresneria elektrikoa eta mekanikoa) da ekonomia jarduera nagusia. XVI. mendetik aurrera ustiatu da Saint-Étienneko ikatz-arroa. Aipagarria da XIV. mendeko Saint-Étienne eliza.
