RKO (Radio Keith Orpheum)

Filmak ekoiztu eta banatzen zituen Estatu Batuetako enpresa, XX. mendearen hasieran sortu eta 1960 inguruan itxi zena. Kalitate handiko filmak egin zituen, asko eta asko zinemaren historian klasiko bihurtu direna. B saileko film asko ere egin zituen. 1940tik aurrera izan zuen urrezko aldia, batik bat Orson Wellesen Citizen Kane (1941, Kane hiritarra) eta The Magnificent Ambersons (1942, Ambersondarren handitasuna) maisulanei esker. RKOn lan egin zuten, besteak beste, George Cukor, John Ford, Jacques Tourner zuzendariek, David O. Selznick eta Merian C. Cooper ekoizleek eta Katherine Hepburn, Fred Astaire, eta Robert Mitchum antzezleek. 1948an Howard Hughes-ek erosi zuen eta 1957an Desilu telebista-etxeak, baina ordurako gainbeheran zegoen.

• Rivière, Jacques
• Rix, Brian
• Riyad
• Rizal y Alonso, José
• Rizal
• RKO (Radio Keith Orpheum)
• rLung-rTa
• Rn
• RNA
• rNying-ma-pa
• Roa Bastos, Augusto