Rama
Mit. Indiako elezahar eta poema epikoetako pertsonaia ospetsua Vishnu jainkoaren zazpigarren avatara-tzat hartua. Ramayana poema epikoan, Ayodhya erregearen semea eta Sita-ren senarra da. Ravanak, hamar buru dituen errege-deabruak, eraman zuen bahiturik Sita Zeilan aldera, eta gerra izugarri bati ekin zion orduan Ramak lurralde haren aurka, Hanuman ziminoen erregeak eta animalia guztiek lagunduta. Unibertsoko Lege gorenaren sinboloa da Rama.
