Peninoak
(Ing. Pennines). Ingalaterrako iparraldeko lurraldea, mendiek eta goi-ordokiek osatua. Cheviot mendien (iparraldean) eta Midlands-eko eskualdearen artean (hegoaldean) luzatzen da. Cross Fell da iparraldeko gailur nagusia (893 m) eta High Pick hegoaldekoa (635 m). Tyne, Wear, Tees, Swale, Nidd, Ure, Wharfe, Ouse, Trent, Derwent eta Aire dira lurralde honetako haran nagusiak. Laborantza (garia eta garagarra), abere hazkuntza (ardi eta behi azienda) eta mea ustiakuntza (Lancashireko eta Yorkshireko industriak hornitzeko ikatz hobiak) dira ekonomia jarduera nagusiak.
