panhelenismo
iz. Pol. Balkanetako penintsularen eta Egeo itsasoaren ertzeko greziar herri guztiak, erlijio ortodoxokoak eta grezieraz mintzatzen direnak, nazio bakar batean biltzea helburu duen higikundea edo joera. Panhelenismoak indar handia izan zuen XIX. mendean, baina 1921-22ko greziarren eta turkiarren arteko gerraren ondorioz Greziaren zabalkundea mantsotu egin zen eta panhelenismoak behera egin zuen.
