Paueko ibaia
(Gaskoieraz, Gàbe de Pau). Frantziako hego-mendebaleko ibaia, Aturri ibaiaren adarra. 160 km. Bigorra aldeko Pirinio mendietan sortzen da, Gavarnie eta Troumouse-ko mendi zirkuetako errekak bildu ondoan (Pirinio Garaiak). Lourdesko hiria igaro eta Biarnon sartzen da ondoren (Pirinio Atlantikoak). Pauetik eta Orthez-etik igaro ondoren, Oloroe-ko ibaiaren ura jasotzen du Peyrehorade-ko hirian eta Aturri ibaian isurtzen du ura ondoren, Ipar Euskal Herriaren eta Landen arteko mugatik hurbil. Adar nagusiak: Barèges, Cauterets eta Argelès eta Oloroe-ko ibaiak. Hamabost zentral hidroelektriko daude Paueko ibaiaren ibilguan.
