Nikkei, indizea
Tokioko burtsan salerosten diren akzioen prezioak jasotzen dituen adierazlea. Nihon Keizai Shimbun egunkariak argitaratzen du indize hau, 225 balioren batez besteko prezioa jasotzen duena. Ezaguna da, halaber, indize horri loturiko ISE-Nikkei 50 izeneko indizea; azken horrek, Londres eta Tokioko merkatuetan, bietan salerosten diren akzioen prezioen batez bestekoa jasotzen du.
