Bithiriña
Nafarroa Behereko erdi-ekialdeko udalerria, Donapaleuko kantonamenduan. Beyrie-sur-Joyeuse du izen ofiziala. Mugak: iparraldean, Amorotze-Zokotze, Behauze, Lukuze-Altzumarta, Garruze, eta Donapaleu, eki- eta hegoaldean, Donapaleu eta Ostankoa eta mendebal nahiz hegoaldean, Landibarre, Armendaritze eta Mehaine. Garaiera, 160 m. 24,80 km2. 1999ko datuen arabera, 475 biztanle (bithiriñdarrak). Auzo nagusiak: Aintzia, Apateberri, Batsabarne, Beltxe, Bordibarre, Pekoetxeberri, Apatenborda, Salaberri, Iriarte, Anteiburu eta Uhalde. Aran ibaia igarotzen da bertatik. Euskara, behe-nafarrera; euskaldunak, % 88. Ekonomia jarduera nagusiak laborantza (garia, artoa, bazkarako landareak, lekadunak) eta abere hazkuntza (behi eta ardi azienda) dira. v Historia. XI. mendeko dokumentu batean aipatzen da lehen aldiz Bithiriñako herria Beiria izenaz.
