Miron
Greziar eskultorea (Eleuteras, K.a. V. mendea). Bere garaiko greziar eskultore handien arteko lehena izan zen, bide berriak ireki baitzituen Greziako eskulturan. Harenak dira Diskobolo ezaguna eta Atenea-ren eta Marsias-en estatuak. Lan horiek oso ezagunak izan ziren antzinatean, baina gaur egun arte gorde direnak erromatarren garaiko kopiak baizik ez dira.
