Miller, Stanley Lloyd
Estatubatuar kimikaria (1930). 1952an, Lurreko egurats primitiboaren baldintzak antzeratuz, molekula organiko konplexuak lortu zituen sintesi bidez, bizitzaren aurrendariak. Saio horren bidez frogatuta utzi zuenez, egurats primitiboan, eguzki izpi, irrada ultramore eta abarreko energiak, eguratseko eta ozeanoetako gai inorganikoetan ekinez, molekulen sintesia eragin zezakeen. Millerren saiotik bi ondorio desberdin atera daitezke: antzeko sintesi batek mailaz mailako eboluzio prozesu luzea sortu zuela, edota sintesiak berak espaziotik inportatutako bizitza zabaltzeko baldintza egokiak sortu zituela planetan.
