merkaptano

iz. Kim. Beren egituran sufre atomoa izanik, R-SH formula orokorra duten gai organikoen genero izena; R hidrokarburo erro bat da. Tiol izenez ere ezagutzen dira merkaptanoak. Kloruro alkilikoak sulfuro azido alkalinoekin erreakzionaraziz lortzen dira: C₂H₅-Cl + K-SH ® C₂H₅-SH + KCl. Alkoholen tankerako egitura dute baina haien oxigenoaren ordez molekulan sufrea dute. Tasun kimikoak ere berdintsuak dituzte; baina merkaptanoak alkoholak baino azidoagoak dira. Isurkari koloregabeak, usain txarrekoak eta sukoiak dira, baina ez dira pozoitsuak.

• merio
• meristema
• meritu
• merkantilismo
• merkantzia
• merkaptano
• merkatalgo
• merkatari
• merkataritza
• merkatu 1
• merkatu, merka, merkatzen