Meakaur
Morgako udalerriko herriburua (Mungialdea, Bizkaia). 25 biztanle. Euskara, bizkaiera; euskaldunak % 100. Aipagarri dira San Esteban Gerekizeko eliza (1770. urtean zaharberritua), X. mendeko San Martin eliza (XVI. mendean eraberritua), Andre Mari eliza modernoa, San Joan Bataiatzailearen ermita, San Bizente Martiriaren ermita eta XVI. mendeko Jesus Gurutziltzatuaren ermita (1766an zaharberritua).
