Euskararen tresnak

Lur hiztegi entziklopedikoa

Kultura eta Hizkuntza Politika Saila

Mathieu Lorda, Clement

Lapurdiko euskaltzalea (Hazparne, 1882 - Hazparne, 1963). Larresoroko apaizgaitegian ikasketak egin ondoren apaiz egin zen 1906. urtean. Filosofiako ikasketak egin zituen, gero, Lovainan. Lehen Mundu Gerra amaitutakoan, Uztaritzeko apaizgaitegiko kalonje nagusi izendatu zuten. Baionako Elizbarrutiko bikario nagusi izendatu zuten 1930ean, eta handik hilabete batzuetara Aire eta Akizeko apezpiku. Gure Herria erakundearen sustatzaile nagusi izan zen. Bestalde, Mathieuk antolatu zuen, Verdier kardinalarekin batera, euskal iheslariei laguntzeko batzordea. Eusko Ikaskuntzako lehendakari izendatu zuten 1951n eta aipatu erakundearen VIII. kongresuko mahaiburu hautatu zuten. Baionako katedraleko kriptan ehortzirik dago Mathieu apezpikua.