lesya
(Eusk. “argia”, “kolorea”). iz. Jainisten erlijioaren arabera, arimaren inguruan osatzen den argi koroa, arimari itxura, kolore, usain edo zapore berezia ematen diona. Jainisten ustez jokabide txarren ondorioz (asmo txarra, bekaizkeria eta gezurra) lesyak zapore garratza eta kolore iluna hartzen du; kiratsa dario eta azala kozkaduna du. Jokabide onen ondorioz, aldiz (asmo ona, zintzotasuna eta berdintasuna), arimaren argi koroak lore usaina hartzen du, leuna da, eztia bezain gozoa, eta argia du kolorea.
