kolibri
iz. Kolore apain eta ikusgarriko txori txikia (Trochilus sp.). v Kolibri handia (Patagona gigas). 21 cm inguru luze eta kolorez gain alde arre berdexka eta azpiko aldea arre gorrixka dituena. Moko luze zorrotza du eta harekin loreetan biltzen duen nektarra janez elikatzen da. Hego Ameriketako mendebalean bizi da eta Ande mendietako basoetan egiten du habia. Neguan hegoaldera joaten da. v Kolibri papo-gorria (Archilocus colubris). Gorputzaren gaineko aldea arre berdea eta azpikoa zuri horixka dituena. Paparra aldiz errubi kolorekoa du. 8 cm baizik ez da luze. Kanadan eta Estatu Batuetako ekialdean ematen du uda eta neguan hegoaldera migratzen du. Mexikoko golkoa, 800 km-ko hegaldi batean igarotzen du, horretarako okitzeraino jaten du aurrez. Loreetako nektarra eta han harrapatzen dituen intsektu txikiak janez elikatzen da.
