Iztueta Azkue, Anjeles
Gipuzkoar politikaria (Tolosa, 1954). Eusko Alkartasunako kidea da. Matematika Zientzietan lizentziaduna da Valladolideko Unibertsitatean. 1977tik 1982ra estatistika gaietarako irakaslea izan zen Sarriko eta Deustun. 1982tik 1988ra, berriz, Metodologia Arduraduna EUSTATen, eta 1989 eta 1991 bitartean, Ikerketa Plangintza eta Dokumentazio arduraduna EMAKUNDEn. 1997an Eusko Jaurlaritzako Kanpo Harremanetarako Idazkari Nagusi izendatu zuten, 1999an Justizia, Lan eta Gizarte Segurantza Saileko Gizarte Arazoetarako sailburuordea, eta 2001ean, Hezkuntza, Unibertsitate eta Ikerketa sailburua.
