Euskararen tresnak

Lur hiztegi entziklopedikoa

Kultura eta Hizkuntza Politika Saila

González de Echávarri y Vivanco, José María

Arabar idazle, katedraduna eta politikaria (Gasteiz, 1875 - Valladolid, 1950). Valladoliden eta Madrilen Zuzenbide ikasketak egin ondoren merkataritzako zuzenbidearen katedra lortu zuen Valladolideko unibertsitatean. Alderdi integristako kidea zen eta Arabako senatari aukeratu zuten. Euskal Unibertsitatea sor zedin eskakizuna egin zuen bere senatari kargutik. El Diario de Alava egunkaria sortu zuen eta haren zuzendari izan zen 1895-1903 bitarteko urteetan. Zuzenbidea, historia, politika eta etika izan zituen aztergai bere idazlanetan.