Añana
Arabako mendebaleko udalerria (Añana). Mugak: iparraldean, Kuartango; ekialdean, Erriberagoitia; mendebalean, Gaubea, eta hegoaldean, Lantaron eta Berguenda. Garaiera, 531 m. 21,79 km2. 1997ko datuen arabera, 188 biztanle ditu (añanarrak). Hizkuntza, gaztelania. Hizkuntza banaketa, 1996an: 12 euskaldun, 20 ia euskaldun eta 122 erdaldun.Gatz ustiapena da Añanako ekonomia jarduera nagusia (langileen % 50). Oinarrizko zerbitzuetan dihardu langileen % 25. v Historia. X. mendeko dokumentu batean aipatzen da lehen aldiz Añanako herria. 1126. urtean jaso zituen hiri-gutuna eta foruak Alfontso I.a Gudularia Aragoi eta Iruñeko erregearen eskutik. XIII. eta XIV. mendeetan zehar, pribilegio berezi batzuk jaso zituzten Añanako biztanleek bertako gatza ekoiztearen eta saltzearen truke.
