Ganges ibaia
Indiako eta Bengalako ibaia. Indiako ibairik garrantzitsuena da bai historiari, bai erlijioari dagokionez. Himalaiatik Vindhya mendietara hedatzen den harana eratzen du, eta ekialdera Birmaniaren eta Bengalaren arteko mendietara luzatzen da. 1.000.000 km2-ko neurria du haranak, eta 2.700 km luze da. Bhagirathi izotzezko leizean (Himalaia) jaiotzen da, Uttar Pradesh estatuan, eta Gangotri-raino (3.145 m) indar handiz jaisten da. Itsasotik 225 kilometrora Brahmaputra ibaiarekin elkartzen da, eta munduko deltarik handiena sortzen dute. Hinduentzat ibai sakratua da.
