erradiolario
izond. Zool. Protoplasma mintz batez zatituta duten izen bereko motako itsas protozooez esaten da. Mintzaren barrualdeko zatian nukleo bat edo bat baino gehiago izaten dituzte mota horretako animaliek; kanpoaldekoan, berriz, isurkariz betetako bakuoloak izaten dituzte. Mintzean dauden zulotxoek elkartzen dituzte bi zati horiek. Hezurdura silizezko kristal txikiz osatuta dute gehienek; kristal horiek sare itxurako mintzez daude lotuta. Kanpoaldeko zatitik beso luze fin batzuk irteten diete, elikagai dituzten animaliei heltzeko. Itsaso epeletan bizi dira batez ere, hondoan edo azalean.
