Dordoina
Frantziako mendebaleko departamendua [24], Massif Central mendien mendebalean (Okzitania). 9.224 km2 eta 377.356 biztanle. Hiriburua: Périgueux. Suprefetura hiriak: Bergerac, Nontron, Sarlat-la-Canéda. Ipar-ekialdean Limousingo muinoak badaude ere, departamenduko alde gehiena Périgord izeneko lurralde goi eta lauak hartzen du. Baso oparoak, eta Isle, Dordoina Vèzere ibaiak urraturiko ibar sakonak. Nekazaritza da ekonomia jarduera nagusia (laboreak eta fruituak; mahastiak Bergerac aldean). Industria bigarren mailakoa da (larrukiak, papera eta zurgintza). Dordoinako departamenduan daude Frantziako aztarnategi paleolitiko interesgarrienetako batzuk (Lascaux, Rouffignac, Font-de-Gaume).
